Сомаверт® (10 мг)

• русский
• қазақша

• Скачать инструкцию медикамента

Саудалық атауы

Сомаверт®

Халықаралық патенттелмеген атауы

Пегвисомант

Дәрілік түрі, дозасы

Тері астына енгізу үшін ерітінді дайындауға арналған 10 мг, 15 мг, 20 мг лиофилизат, 1 мл еріткішімен жиынтықта.

Фармакотерапиялық тобы

Жүйелі әсер ететін гормональді  препараттар, жыныс гормондарын және  инсулиндерді қоспағанда. Гипоталамус-гипофиз гормондары және олардың аналогтары. Гипофиз алдығы бөлігінің гормондары және олардың аналогтары. Гипофиз алдығы бөлігінің басқа гормондары және олардың аналогтары. Пегвисомант.

АТХ коды: H01AX01

Қолданылуы

Акромегалиясы бар, хирургиялық араласымға және/немесе сәулемен емдеуге жауабы жеткіліксіз болған ересек пациенттерді, сондай-ақ, соматостатин аналогтарымен тиісінше емдеу ИӨФ‑1 концентрациясының қалыпқа түсуіне алып келмеген немесе жағымдылығы нашар болған пациенттерді емдеу үшін.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші затына немесе «Қосымша мәліметтер» бөлімінде атап келтірілген қосымша заттарының кез келгеніне аса жоғары сезімталдық.

Қолданған кездегі қажетті сақтандыру шаралары

Өсу гормонын секрециялайтын ісіктер

Өсу гормонын секрециялайтын қатерсіз ісіктер кейде, ауыр асқынударды (мысалы, көру аясының ақауларын) туғыза отырып өсуі мүмкін. Пегвисомантпен емдеу ісік өлшемінің кішіреюіне алып келмейді. Емдеу барысында ісік өлшемінің кез келген ұлғаюы мүмкіндігін болдырмау үшін, ондай ісіктері бар пациенттердің барлығының жай-күйін мұқият қадағалау керек.

Қан сарысуындағы ИӨФ‑1 деңгейіне мониторинг жүргізу

Пегвисомант өсу гормоны әсерінің күшті антагонисті болып табылады. Бұл дәрілік препаратты қолданудың нәтижесінде қан сарысуындағы өсу гормонының деңгейі жоғарылауының болуына қарамастан, өсу гормонының тапшылығы туындауы мүмкін. Қан сарысуындағы ИӨФ-1 концентрациясын бақылау және пегвисоманттың дозасын түзету арқылы жас шамасына байланысты стандарттандырылған қалыпты ауқымы шегінде демеп отыру керек.

АЛТ немесе АСТ деңгейлерінің жоғарылауы

Сомаверт® препаратымен емдеуді бастағанға дейін пациенттерде бауыр функциясының биохимиялық көрсеткіштерінің [қан сарысуындағы аланинаминотрансфераза (АЛТ), аспартатаминотрансфераза (АСТ), жалпы билирубин (ЖБ) және сілтілік фосфатаза (СФ)] бастапқы деңгейлерін анықтау керек.

АЛТ және АСТ белсенділігі жоғары пациенттерде немесе анамнезінде соматостатин аналогтарымен емдеу болған пациенттерде өт шығару жолдарының обструкциялық ауруы белгілерінің бар-жоқтығын анықтау қажет. Егер бауыр ауруының белгілері сақталып қалса, пегвисомантты қолдануды тоқтату керек.

Бауыр функциясының биохимиялық көрсеткіштерінің (БФБК) бастапқы деңгейлеріне байланысты Сомаверт® препаратымен емдеуді бастауға қатысты ұсынымдар, және Сомаверт® препаратымен емдеу кезінде бауыр функциясының биохимиялық көрсеткіштерінің деңгейін мониторингілеу жөніндегі ұсынымдар А кестесінде келтірілген.

А кестесі. БФБК бастапқы деңгейлеріне байланысты Сомаверт® препаратымен емдеуді бастауға қатысты ұсынымдар, және Сомаверт® препаратымен емдеу кезінде БФБК деңгейін мезгіл-мезгіл  мониторингілеу жөніндегі ұсынымдар

Қысқартылған сөздер: АЛТ — аланинаминотрансфераза; АСТ — аспартатаминотрансфераза; БФБК — бауыр функциясының биохимиялық көрсеткіші; ҚЖШ — қалыптың жоғарғы шегі.

Егер пациентте Сомаверт® препаратымен емдеу кезінде БФБК деңгейлері жоғарыласа немесе бауыр функциясы бұзылуының басқа белгілері немесе симптомдары туындаса, келесі емдеу нұсқалары ұсынылады (Б кестесі).

Б кестесі. Сомаверт® препаратымен емдеу кезінде бауыр функциясының биохимиялық көрсеткіштерін бағалау нәтижелерінің  нормадан ауытқулары негізіндегі клиникалық ұсынымдар

Гипогликемия

Қант диабеті бар, инсулинмен немесе пероральді гипогликемиялық дәрілік препараттармен ем қабылдаған пациенттерде пегвисоманттың қолданылуын зерттеудің нәтижесінде, осы популяцияда гипогликемияның туындау қаупі анықталды. Соған байланысты, акромегалиясы және қант диабеті бар пациенттерде инсулиннің немесе гипогликемиялық дәрілік  препараттардың дозасын төмендету қажет болуы мүмкін.

Фертильділіктің жоғарылауы

Пациенттің клиникалық жағдайының жақсаруына алып келетін, ИӨФ-1 концентрациясының төмендеуі түріндегі емдік пайдасы, пациент әйелдерде фертильділікті арттыруы ықтимал. Пациенттерге, қажет болған жағдайда  сәйкесінше контрацепция құралдарын пайдалануға кеңес беру керек. Сомаверт® препаратын жүктілік кезінде қолдану ұсынылмайды.

Басқа дәрілік препараттармен өзара әрекеттесуі

Өзара әрекеттесулерін зерттеулер жүргізілмеген. Соматостатин аналогтарымен емдеуді жалғастыру туралы мәселені қарастыру керек. Бұл дәрілік препараттың акромегалияны емдеуге арналған басқа дәрілік препараттармен біріктіріп пайдаланылуы жан-жақты зерттелмеген.

Пегвисоманттың инсулинге сезімталдыққа әсер ететіндігіне байланысты,  инсулинді немесе пероральді гипогликемиялық дәрілік препараттарды қабылдап жүрген пациенттерге  аталған әсер етуші заттардың дозасын төмендету қажет болуы мүмкін.

Пегвисомант құрылымы жағынан өсу гормонымен едәуір ұқсас, бұл өсу гормонын сандық анықтауға арналған, коммерциялық тұрғыдан қолжетімді стандартты тест-жүйелерді пайдаланғанда айқаспалы реактивтілікке алып келеді. Қан сарысуында бұл препараттың емдік түрғыдан тиімді дозаларының концентрациялары, әдетте, акромегалиясы бар пациенттерде байқалған өсу гормонының қан сарысуындағы нақты концентрациясына қарағанда 100–1000 есе жоғары болғандықтан, анықтауға арналған, коммерциялық тұрғыдан қолжетімді стандартты тест-жүйелердің көмегімен алынған, өсу гормонының қан сарысуындағы концентрацияларын өлшеулердің нәтижелері күмәнді болады. Сондықтан, пегвисомантпен емдеуді өсу гормонының қан сарысуындағы, сандық талдауға арналған осындай тест-жүйелердің көмегімен анықталған концентрацияларының негізінде бақыламау немесе түзетпеу керек.

Арнайы ескертулер

Бала тууға қабілетті әйелдер

Пациенттің клиникалық жағдайының жақсаруына алып келетін, ИӨФ-1 концентрациясының төмендеуі түріндегі емдік пайдасы, пациент әйелдерде фертильділікті арттыруы ықтимал. Пациенттерге, қажет болған жағдайда сәйкесінше контрацепция құралдарын пайдалануға кеңес беру керек.

Жүктілік немесе лактация кезінде

Жүктілік кезінде Сомаверт® препаратын айқын қажеттілігі болмаса қолданбау керек.

Емшек емізу

Бала емізетін әйелдерде Сомаверт® препаратын қолданбау керек. Дегенмен, препаратпен емделу тоқтатылған жағдайда, бала емізуді жалғастыра беруге болады: бұл шешімді қабылдағанда пегвисомантпен емдеудің анасы үшін пайдасын және емшек емудің бала үшін пайдасын ескеру керек.

Фертильділік

Пегвисоманттың фертильділікке ықпалы жөнінде деректер жоқ.

Препараттың көлік құралын немесе қауіптілігі зор механизмдерді басқару қабілетіне  әсер ету ерекшеліктері

Препараттың автокөлік құралдарын басқару және механизмдермен жұмыс істеу қабілетіне ықпалын зерттеулер жүргізілмеген.

Сомаверт® препаратының құрамында натрий бар

Бұл дәрілік препараттың құрамында бір дозасында 1 ммольден аз (23 мг) натрий бар, яғни, іс жүзінде натрийсіз.

Қолдану жөніндегі нұсқаулар

Препаратты әрдайым дәл дәрігер берген нұсқаудағыдай енгізіңіз. Егер Сізде препаратты қолдануға қатысты күмәніңіз болса, дәрігермен кеңесіңіз.

Дозалау режимі

Пегвисоманттың жүктемелік дозасын (80 мг) дәрігердің қадағалауымен тері астына енгізу керек. Одан кейін 1 мл еріткіште қалпына келтірілген Сомаверт®, 10 мг, тәулігіне бір рет теріастылық инъекция жолымен енгізу керек. Дозасын түзетуді қан сарысуындағы ИӨФ-1 деңгейлерінің негізінде жүргізу керек. Қан сарысуындағы ИӨФ-1 концентрацияларын  әр 4–6 апта сайын өлшеп отыру керек және қан сарысуындағы ИӨФ-1 концентрациясын оңтайлы емдік жауапты ұстап тұруға арналған қалыпты ауқымының жас шамасы бойынша стандарттандырылған шектерде демеп отыру үшін дозасын сәйкесінше түзетуді тәулігіне 5 мг жоғарылату адымымен жүзеге асыру керек.

Сомаверт® препаратымен емдеуді бастағанға дейін бауыр ферменттерінің бастапқы деңгейлерін анықтау

Сомаверт® препаратымен емдеуді бастағанға дейін пациенттерде бауыр функциясының биохимиялық көрсеткіштерінің (БФБК) [қан сарысуындағы аланинаминотрансфераза (АЛТ), аспартатаминотрансфераза (АСТ), жалпы билирубин (ЖБ) және сілтілік фосфатаза (СФ)] бастапқы деңгейлерін анықтау керек. БФБК бастапқы деңгейлеріне қарай Сомаверт® препаратымен емдеуді бастауға қатысты ұсынымдармен, және Сомаверт® препаратымен емдеу кезінде БФБК деңгейін мониторингілеу жөніндегі ұсынымдармен танысып шығу үшін А кестесін қараңыз.

Ең жоғарғы дозасы тәулігіне 30 мг аспауы тиіс.

Түрлі дозалау режимдері үшін препарат келесі дозаларында шығарылады: Сомаверт®, 10 мг; Сомаверт®, 15 мг; Сомаверт®, 20 мг.

Пациенттердің ерекше топтары

Балалар

0 жастан 17 жасқа дейінгі балаларда Сомаверт® препаратының қауіпсіздігі мен тиімділігі анықталмаған. Деректер жоқ.

Егде жастағы пациенттер

Препараттың дозасын түзету қажет емес.

Бауыр жеткіліксіздігі бар пациенттер

Бауыр жеткіліксіздігі бар пациенттерде Сомаверт® препаратын қолданудың қауіпсіздігі мен тиімділігі анықталған жоқ.

Бүйрек жеткіліксіздігі бар пациенттер

Бүйрек жеткіліксіздігі бар пациенттерде Сомаверт® препаратын қолданудың қауіпсіздігі мен тиімділігі анықталған жоқ.

Енгізу әдісі мен жолы

Сомаверт® препаратын теріастылық инъекция жолымен енгізу керек. Липогипертрофияның алдын алу үшін, инъекция орнын күнделікті өзгертіп отыру керек.

Емдеу ұзақтығы

Қолданылу ұзақтығын дәрігер белгілейді.

Артық дозаланған жағдайда қабылдануы тиіс шаралар

Егер Сіз байқаусызда Сомаверт® препаратының көп дозасын енгізіп жіберсеңіз, дереу өз дәрігеріңізбен хабарласуыңыз керек.

Дәрілік препараттың бір немесе бірнеше дозасын өткізіп алған жағдайда қажетті шаралар

Егер Сіз инъекция жасауды ұмытып кетсеңіз, келесі дозасын Сіз ол туралы есіңізге түсірген бойда енгізу, ал содан соң Сомаверт® препаратын енгізуді дәрігердің нұсқауларына сәйкес жалғастыру керек. Өткізіп алған дозасының орнын толтыру үшін екі есе дозасын енгізбеңіз.

Дәрілік препараттың қолдану тәсілін түсіндіруі үшін медициналық қызметкерге кеңес алуға жүгіну жөніндегі ұсынымдар

Осы дәрілік препаратты қолдану жөнінде қандай-да бір қосымша сұрақтарыңыз болса, дәрігермен кеңесіңіз.

ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдануы тиіс шаралар

Бұл препарат, барлық басқа дәрілік заттар сияқты, пациенттердің барлығында болмаса да, жағымсыз әсерлерді туғызуы мүмкін.

Сомаверт® препаратын қабылдаған кейбір пациенттерде жеңіл дәрежелі, және ауыр дәрежелі аллергиялық реакциялар (анафилаксиялық реакциялар) тіркелді. Ауыр аллергиялық реакция төменде атап келтірілген симптомдардың біреуімен немесе бірнешеуімен көрініс беруі мүмкін: беттің, тілдің, еріннің немесе тамақтың ісінуі; ысқырып дем алу немесе тыныстың тарылуы (көмейдің түйілуі); терідегі жайылған бөртпе, есекжем немесе қышыну; бас айналуы. Егер Сізде осы симптомдардың қандай-да біреуі туындаса, дереу дәрігерге жүгініңіз.

Өте жиі

• бас ауыруы
• диарея
• буындардың ауыруы

Жиі

• тыныстың тарылуы
• бауыр функцияының жай-күйін көрсететін заттар деңгейінің жоғарылауы (мұны қан талдауларының нәтижелерінен байқауға болады)
• несептегі қан
• артериялық қысымның жоғарылауы
• іш қатуы, жүрек айнуы, құсу, іштің кебуі, ас қорытудың бұзылуы, газдардың түзілуі, тактильді сезімталдықтың (түйсінудің) төмендеуі
• инъекция орнында көгерулердің пайда болуы немесе қан кету, инъекция орнындағы терінің сезімталдығы немесе ісінуі, инъекция орнындағы тері беткейінің астында май тінінің жинақталуы, аяқ-қолдардың ісінуі, әлсіздік, температура жоғарылауы
• тершеңдік, қышыну, бөртпе, көгерулердің түзілуіне бейімділіктің артуы
• бұлшықеттердің ауыруы, артрит
• қандағы холестерин деңгейінің жоғарылауы, дене салмағының артуы, қандағы глюкоза деңгейінің жоғарылауы, қандағы глюкоза деңгейінің төмендеуі
• тұмау тәрізді ауру, қатты қажу
• әдеттен тыс түстер көру
• көздің ауыруы

Жиі емес

• енгізгеннен кейінгі аллергиялық реакция (температура жоғарылауы, бөртпе, қышыну және ауыр жағдайларда тыныстың тарылуы, терінің медициналық көмек көрсетуді қажет ететін жылдам ісінуі), бұлар енгізгеннен кейін дереу немесе бірнеше күннен соң туындауы мүмкін
• несептегі ақуыз, несеп шығару көлемінің артуы, бүйрек функциясының бұзылуы
• қызығушылықтың болмауы, сананың шатасуы, жыныстық құмарлықтың артуы, үрейлі шабуыл, естен тану, ұйқының бұзылуы
• қандағы тромбоциттер санының азаюы, қандағы лейкоциттер санының көбеюі немесе азаюы, қан кетулерге бейімділік
• өзін нашар сезіну, жаралар жазылуының бұзылуы
• астенопия, ішкі құлақ тарапынан бұзылулар
• беттің ісінуі, терінің құрғауы, түнде тершеңдік, терінің қызаруы (эритема), теріде қышынумен жүретін шығыңқы күлбіреуіктер (есекжем)
• қандағы майлы заттар деңгейінің жоғарылауы, тәбеттің жоғарылауы
• ауыздың құрғауы, сілекей бөлінуінің күшеюі, тіске қатысты қиындықтар, геморрой
• дәм сезудің бұзылуы, бас сақинасы

Белгісіз (қолда бар деректердің негізінде бағалау мүмкін емес)

• ызалану
• ауыр ентігу (ларингоспазм)
• тері мен теріасты тіндерінің сондай-ақ, ағзалардың ішкі (шырышты) қабығының жылдам ісінуі (ангионевроздық ісіну).

Емдеу барысында шамамен 17 % пациентте соматотроптық гормонға антиденелер түзіледі. Антиденелер шамасы, бұл дәрілік препараттың әсеріне кедергі келтірмейді.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер     

Дәрілік препараттың құрамы

Бір құтының ішінде

белсенді зат - 10 мг, 15 мг, 20 мг пегвисомант

қосымша заттар – глицин, маннитол, динатрий гидрофосфаты (сусыз), натрий дигидрофосфат моногидраты,

еріткіш: инъекцияға арналған су

Сыртқы түрінің, иісінің, дәмінің сипаттамасы

Ақ немесе ақ дерлік түсті масса.

Еріткіш – мөлдір түссіз, көзге көрінетін бөлшектерсіз сұйықтық.

Қалпына келтірілген препарат – мөлдір немесе сәл бозаңданған, түссізден жасылдау-сары түске дейінгі, ішінде көзге көрінетін бөлшектер жоқ ерітінді.

Шығарылу түрі және қаптамасы

Препарат хлорбутил резеңке тығынмен тығындалып, «flip-off» типті пластик қалпақшамен жасақталған алюминий қапсырмамен қаусырылған шыны (I типті) құтыға құйылады.

Препарат салынған 10 құты картон қорапшаға салынады.

Еріткіш (1.0 мл) түссіз (I типті) шыныдан жасалған, бромбутил резеңке плунжері мен бітегіш бромбутил құрылғысы бар бір реттік шприцке құйылады.

1 шприц және қорғағыш қалпақшамен жасақталған 1 ине пластик қаптамаға салынған.

Препарат салынған 3 картон қорапша мен еріткіш салынған 30 пластик қаптама медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынады.

Сақтау мерзімі

Дәрілік препарат 3 жыл.

Еріткіш 5 жыл.

Жарамдылық мерзімі өткеннен кейін қолдануға болмайды!     

Сақтау шарттары

2 оС-ден 8 ºС-ге дейінгі температурада сақтау керек.

Мұздатып қатыруға болмайды.

Қалпына келтірілген препаратты дереу қолдану керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

Өндіруші/Қаптаушы:

Пфайзер Мануфактуринг Бельгия Н.В.,

Рийксвег 12,

2870 Пюрс, Бельгия

Тел: + 323 890 92 11

Тіркеу куәлігінің ұстаушысы

Пфайзер Эйч Си Пи Корпорэйшн,

235 Ист 42 Стрит, Нью-Йорк, Нью-Йорк штаты 10017-5755 АҚШ

Tел: 212-573-2323

Факс: 212-573-1895

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Pfizer Export B.V. (Пфайзер Экспорт Би.Ви.) компаниясының Қазақстан Республикасындағы Филиалы

Қазақстан Республикасы, Алматы қ., 050000, Медеу ауданы, Н.Назарбаев д-лы, 100/4 үй

тел.: +7 (727) 250 09 16

факс: +7 (727) 250 42 09

электронды пошта: PfizerKazakhstan@pfizer.com

Сомаверт® препаратының инъекциясын дайындау және жасау жөніндегі нұсқаулық

Сомаверт® препараты құтыда, ақ немесе ақ дерлік түсті масса түрінде шығарылады. Қолданар алдында Сомаверт® препаратын еріткішпен араластыру қажет. Алдын ала толтырылған шприцтегі «Сомаверт® препаратының ерітіндісін дайындауға арналған еріткіш» таңбасы бар еріткіш.

Сомаверт® препаратымен қандай-да бір басқа сұйықтықты араластырмаңыз.

Медицина қызметкерінің үйретуінен өтпей тұрып, өзіңізге немесе басқа біреуге, инъекция жасамау керек.

1. Сізге керегі

• препаратының бір қаптамасы, ішінде төмендегілер бар:
•      Сомаверт® препараты салынған құты;
•      алдын ала еріткішпен толтырылған шприц;
•      қауіпсіз ине.

Сонымен қатар, келесілер қажет болады:

•      мақта шаригі;
•      спиртті сүрткі;
•      үшкір заттарды утилизациялау үшін қолайлы контейнер.

< >Дайындық      Сомаверт® препаратын еріткішпен тек, дозасын енгізуге дайын болған кезіңізде ғана араластырыңыз.      Сомаверт® препаратының бір қаптамасын тоңазытқыштан шығарып алыңыз және оны қауіпсіз жерде табиғи жолмен бөлме температурасына дейін жылытып қойыңыз.      Қолыңызды сабынды сумен жуыңыз және мұқият құрғатыңыз.       Инъекцияға дайындық кезінде керек болғанда компоненттерін шығарып алу оңай болуы үшін, шприц пен қауіпсіз ине қаптамасының қорғағыш үлбірін алып тастаңыз.       Егер:   шприц немесе құты бүлінген немесе ақауы болса; жарамдылық мерзімі өтіп кеткен; ол мұздатып қатырылған болса, тіпті кейін ол ерітілсе де (тек шприц үшін) оны пайдаланбаңыз.Инъекция аймағын таңдаңыз

Қол немесе арқаның төменгі бөлігі:

< >     Әрбір инъекция үшін таңдалған аймақтан жаңа орынды пайдаланыңыз.       Препаратты бетінде сүйек орналасқан, көгерген, қызарған, ауырсындыратын зақымданулары немесе тығызданулары бар бөліктерге, сондай-ақ, тыртықтары бар бөліктерге немесе тері ауруымен зақымданған бөліктерге енгізбеңіз.       Медицина қызметкерінің нұсқауларына сәйкес, инъекция орнын спиртті тампонмен тазалап сүртіңіз.      Инъекция орнын құрғатыңыз.Құтының қалпақшасын ашыңыз

• Құтының қалпақшасын ашыңыз

< >      Құтының қалпақшасын ашыңыз.      Қалпақшаны лақтырып тастаңыз; ол енді керек болмайды.Сақ болыңыз! Құтының тығынын ештеңеге тигізбеңіз.

< >Шприцтің қалпақшасын алып тастаңыз

Шприцтің қалпақшасын алып тастаңыз

< >Шприцтің қалпақшасын сындырып жұлып алыңыз. Сындыру үшін жеткілікті дәрежеде күш салу қажет болуы мүмкін.      Шприцтің қалпақшасын лақтырып тастаңыз; ол енді керек болмайды.      Ағып кетуіне жол бермеу үшін, шприц тігінен ұстаңыз.Сақ болыңыз! Шприцтің қалпақшасы алынып тасталған кезде, шприцтің ұшына ештеңе тимеуі тиіс.

< >Қауіпсіз инені жалғаңыз

Қауіпсіз инені жалғаңыз

< >    Қауіпсіз инені шприцке түбіне дейін күштеп бұрап кіргізіңіз.Иненің қалпақшасын алып тастаңыз

Иненің қалпақшасын алып тастаңыз

< >    Иненің қорғағыш қалпақшасын ине қалпақшасынан сыртқа қарай қайырыңыз.     Иненің қалпақшасын абайлап тікесінен тарта отырып, оны алып тастаңыз.     Иненің қалпақшасын лақтырып тастаңыз; ол енді керек болмайды.Сақ болыңыз! Инені ештеңеге тигізбеңіз.

< >Инені кіргізіңіз

Инені кіргізіңіз

< >Инені суретте көрсетілгендей, құты тығынының ортасына кіргізіңіз. Ине құты тығынына кірген кезде, инені майыстырып алмау үшін шприцті демеп тұрыңыз.Сұйықтық қосыңыз

Сұйықтық қосыңыз

< >      Шприц енгізілген құтыны суретте көрсетілгендей еңкейтіңіз.Поршенінің штогын баяу, сұйықтық түгелдей құтыға шығарылғанға дейін басыңыз.Сақ болыңыз! Сұйықтық ағынын тікелей ұнтаққа бағыттамаңыз, өйткені ол көбік түзілуін туғызуы мүмкін. Көбік препаратты пайдалануға жарамсыз етеді.      Әзірше инені шығарып алмаңыз.Құтының ішіндегісін араластырыңыз

Құтының ішіндегісін араластырыңыз

 содержимое флакона

< >Суретте көрсетілгендей, шприц пен құтыны бір қолыңызбен ұстаңыз. Құтыны тегіс беткейде дөңгеленте жылжытып, сұйықтықты абайлап араластырыңыз.Құтыны ұнтақ толығымен ерігенге дейін айналдыра отырып сұйытықты араластыра беріңіз.Ескертпе: бұл 5 минутқа дейін созылуы мүмкін.

< >Препаратты тексеріңіз

Препаратты тексеріңіз

те препарат

< >Инені құтыда қалдырыңыз және препаратты мұқият тексеріп шығыңыз. Ол мөлдір немесе сәл бозаңданған, ішінде көзге көрінетін бөлшектер жоқ, түссізден жасылдау-сары түске дейінгі ерітінді болуы тиіс.      Егер:препарат бұлыңғыр немесе ақшылдау болса;құтыда бөлшектер немесе көбік қабаты байқалса, оны пайдаланбаңыз.Инені қайта салыңыз

Инені қайта салыңыз тавьте

< >Суретте көрсетілгендей, тығынындағы саңылауды көру үшін, құтыны төңкеріңіз. Инені төмен қарай, ұшы сұйықтықтың ең төменгі нүктесінде тұратындай қылып итеріңіз. Бұл сұйықтықтың барынша көп көлемін алуға мүмкіндік береді. Поршенінің штогы жылжып кетпегендігіне көз жеткізіңіз — егер ондай орын алса, оны кері қарай шприцке түгелдей салыңыз. Бұл дозасын алар алдында шприцтегі ауаның түгелдей шығып кетуіне кепілдік береді.Дозасын алыңыз

Дозасын алыңыз

< >Құтыдан препаратты барынша көбірек шығарып алу үшін,  поршенінің штогын баяу тартыңыз.Ескертпе: егер шприцте ауа болса, көпіршіктер шығып кетуі үшін цилиндрінің сыртынан түртіңіз, содан соң оларды абайлап құтыға батырыңыз.

< >      Инені құтыдан шығарып алыңыз.Инені кіргізіңіз

Инені кіргізіңіз

< >     Инъекция орнындағы теріні абайлап қысып жиырып ұстаңыз.      Инені тері қыртысына ұзына бойына түгелдей кіргізіңіз.Препаратты енгізіңіз

Препаратты енгізіңіз

< > Шприцтің цилиндрі босағанға дейін поршенінің  штогын баяу басыңыз.Ескертпе: инені міндетті түрде ұзына бойына түгелдей кіргізіңіз.

< >      Теріні босатыңыз және инені жоғары қарай тігінен шығарып алыңыз.Иненің қауіпсіздігін қамтамасыз етіңіз

Иненің қауіпсіздігін қамтамасыз етіңіз

< >      Иненің қорғағыш қалпақшасын инеге қарай қисайтыңыз. Иненің қорғағыш қалпақшасы сырт етіп орнына түсуі үшін, оны қатты беткейге абайлап тақаңыз.Ескертпе: иненің қорғағыш қалпақшасы орнына түскеннен кейін сырт еткен дыбыс естіледі.

< >Утилизациялау

•  

< >Шприц немесе инені ешбір жағдайда қайта пайдалануға БОЛМАЙДЫ. Ине мен шприцті емдеуші дәрігердің, медбикенің немесе фармацевттің нұсқауларына сәйкес, сондай-ақ, денсаулықты қорғау және қауіпсіздік саласындағы жергілікті заңнаманы сақтай отырып утилизациялаңыз.Инъекциядан кейін

Инъекциядан кейін

< >Қажет болған жағдайда, инъекция орнын таза мақта тампонымен сәл басып тұрыңыз.     Ол орынды ысқыламаңыз.Құтының тығынын жаңа спиртті сүрткімен тазалап сүртіңіз және тығыны әбден кепкенше күте тұрыңыз. Егер тығынын тазарту мүмкін болмаса, құтыны пайдаланбаңыз.Егер ол тіпті бүлінбеген болып көрінсе де, оны пайдаланбаңыз. Шприцті пайдаланылған шприц сияқты утилизациялаңыз. Қосалқы шприцті пайдалану қажет.Тек бір рет. Шығарып алу және қайта енгізу иненің зақымдану қаупін едәуір жоғарылатады және оның мұқалуына алып келеді. Бұл жайсыздық тудыруы мүмкін және терінің зақымдануы мен инфекция түсуі қаупін арттырады. Сонымен қатар, дәрілік препараттың қандай-да бір бөлігінің жоғалтылу қаупі бар.Жоқ, құтыны ешбір жағдайда сілкімеңіз. Сілку дәрілік препараттың ыдырап кетуіне және көбік пайда болуына алып келуі мүмкін. Ұнтақтың толық еруі бірнеше минутқа созылуы мүмкін, сондықтан, сұйықтық түгелдей мөлдір түске енгенше құтыны абайлап дөңгеленте қозғауды жалғастыра беріңіз.•      Көбік сұйықтық беткейіндегі аздаған ауа көпіршіктерінң қабаты сияқты көрінеді. Көбіктенген Сомаверт® препаратын енгізуге тыйым салынады.

Дәрілік препараттың көбіктенуіне қалай жол бермеуге болады?

< >Сұйықтық құтының қабырғаларын бойлай ақырын ағуы үшін, поршенінің штогын өте баяу басыңыз. Сұйықтық ағынын тікелей ұнтаққа қарай бағыттамаңыз, өйткені ол көбік түзілуін туғызуы мүмкін. Сонымен қатар бұл әдіс шайқау уақытын қысқартады және дәрілік препараттың көбірек мөлшерін алуға мүмкіндік береді.      Сұйықтықтағы ұсақ ауа көпіршіктері қалыпты құбылыс болып табылады және инъекция кезінде қауіп төндірмейді. Алайда, шприцке ауа байқаусызда кіріп кетуі мүмкін, ондайды инъекция алдында шығарып жіберу керек. Сұйықтық беткейіндегі көпіршіктерді немесе ауа қабаттарын құтыға қарай басу керек.      Құтының пішіні, ішінде дәрілік препараттың болар-болмас мөлшері қалатындай жасалған. Бұл қалыпты жағдай. Препараттың барынша көп мөлшерін алу үшін, иненің ұшын құтыға барынша төмен батыру керек.      Барлық сұрақтар бойынша, Сомаверт® препаратының қолданылуымен жақсы таныс дәрігерге жүгіну керек.